Буолар сирэ: Өнөр нэһилиэгэ, Ыһыахтыыр түһүлгэ
Буолар күнэ, кэмэ: Бэс ыйын 17 күнэ 2023 с
Сыала-соруга:
• Кыыс оҕо кэрэтигэр сүгүрүйүү, харыстааһын;
• Эдэр ыччаты сырдык-ыраас көстүүгэ, истиң сыһыаҥҥа, өбүгэ саҕаттан илдьэ кэлбит сиэргэ-туомҥа уһуйуу;
• Айылҕа биэрбит аналын араҥаччылааһын.
Күөн-күрэс түһүмэхтэрэ:
Бастакы түһүмэх — Хас биирдии кыттааччы сахалыы таҥастаах, баттаҕын биир гына өрүнэн киирэн бэйэтин көрдөрөр.
Иккис түһүмэх — суһуох уһунун кээмэйдээһин. Ирдэбилэ, кыргыттар суһуохтарын ыһан киирэллэр.
Тэрээһин ирдэбиллэрэ:
Күөн-күрэскэ кыттааччы сааһынан 3 бөлөххө арахсар:
-10 сааһыгар дылы;
-11 сааһыттан 17 сааһыгар дылы.
-18 сааһыттан үөһэ
Бастакы түһүмэххэ кыттааччы хаамар кэмигэр диктор кинини билиһиннэрэр. Кыттааччы билиһиннэрии тылын ыытааччыга тиксэрэр. Хайдах хааман киирэрин кыттааччы бэйэтэ туруорар. Кыттааччы туспа музыканан киирэр түгэнигэр, флешкатын операторга тиксэрэр. Онтон атыттар бары биир музыканан киирэллэр.
Түмүгү таһаарыы:
Кыайыылаахтарга анал аат туттарыллар, бирииһинэн наҕараадаланаллар.
Өнөр нэһилиэгин кэрэчээн кыргыттарын уонна биир дойдулаахтарын күрэскэ көхтөөхтүк кыттаргытыгар ыҥырабыт!
Тэрийэр бөлөх.
