Сэтинньи 15 күнүгэр, сахалартан бастакы Россия Геройа М.М.Стрекаловскай биир дойдулаахтара, Өнөр нэhилиэгин олохтоохторо, Улуу Ильмень күөл кыргыһыытын 19-с хайыһар биригээдэтин буойуттарын Бойобуой Знамятын көрүстүлэр. Бу хамсааһыны “Эдэр Карбышевецтар”оҕо байыаннай-патриотическай уопсастыбаннай хамсааһын Саха сиринээҕи салаата Улуу Новгород сириттэн аҕалбыттар уонна «Ытык Ильмень устунан» диэн ааттаах 19-с хайыһар биригээдэтин Бойобуой Знамятын улуустары кэрийэ сылдьан кэпсииллэр, о5олорго көрдөрөллөр. Бу анал тэрээhиннэ ыаллыы сытар, ол эбэтэр, 1-кы Өспөх, Тулуна, Дупсун, Бээди уонна Найахы нэhилиэктэриттэн, барыта 21 оскуола уерэнээччилэрэ уонна 6 салайааччы, кэлэн хамсааhынна кыттыыны ыллылар. Тэрээhин уеруулээх чааhыгар, делегацияны иилээн-са5алаан илдьэ сылдьар, С.С. Васильев-Борогонскай аатынан киин библиотека краеведческай отделын сэбиэдиссэйэ Павлова О.Н., улуустаа5ы уерэх управлениетын начальнига Тимофеев Г.Г., Сэhэн Ардьакыап аатынан улуус историятын тумэлин экскурсовода Сивцев А.П., улуустаа5ы ветераннар сэбиэттэрин бэрэсcэдээтэлэ Федоров О.Ф., нэhилиэк кырдьа5астарын сэбиэтин бэрэссэдээтэлэ Борисова Л.Д., Россия Геройа М.М.Стрекаловскай аатынан Өнөр орто оскуолатын директора Дьяконов А.А. кыттыыны ыллылар. Сэрии толоонугар охтубут буойуттарга гирлянда ууран, биир мүнүүтэлээх тохтобулунан сүгүрүйэн, «Өйдөбүнньүк уоту» уматан, сибэкки дьербетyн ууран, кэриэстээн, махталларын биллэрдилэр. Кэлбит ыалдьыттар сахалартан бастакы Россия Геройа М.М.Стрекаловскай аатынан музейга экскурсиялаатылар. Улуу Ильмень күөл кыргыһыытын 19-с хайыһар биригээдэтин буойуттарын Бойобуой Знамята салгыы Yс Дьоруойдаах Байа5антай нэhилиэгэр айаннаата.
