Алтынньы 29 күнүгэр «Тойон Муру» култуура дыбарыаһыгар биир дойдулаахпытыгар Ушницкай С.С. эмтэнэ барарыгар аналлаах «Бары бииргэ» аһымал концерт буолан ааста. Өнөр, 1 Өспөх нэлилиэктэрин талба талааннаах артыыстарын холбоһуктаах концера олус тэрээһиннээхтик ыытыллан ааста.
Концерты СР культуратын туйгуннара Ион Лукачевскай, Василий Федоров,
Анна Макарова, Виталий Гоголев, Илья Гуляев, Евдокия Бурцева, Туяра Жиркова, «Күбэйэ» трио, Октябрина Протопопова, Нина Лукачевская, Николай Лыткин, Владислав Лукачевскай уонна «Сээркээн» көр-күлүү бөлөҕө киэргэттилэр.
Ону тэҥэ, Бороҕоҥҥо икки нэһилиэк холбоон ыыппыт атыы-тутуу ярмаркалара үрдүк көрдөрүүлээхтик ыытылынна.
Түмүк: Бу тэрээһин ыытылларыгар сүүрбүт -көппүт бары дьоммутугар, нэһилиэк общественнай хамсааһынын кыттыылаахтарыгар, артыыстарбытыгар уонна күндү көрөөччүлэрбитигэр улахан махтал тылларын этэбит.
31.10.22. концерт иккис күнэ Өнөр нэһилиэгэр, 1.11.22. концерт үһүс күнэ 1 Өспөх нэһилиэктэригэр толору саалаҕа дьону мунньан ааста.
