«Күн сирин күндүтэ-күн күбэй ийэ» нэдиэлэ чэрчитинэн «Сибэкки тула» дьиэ сибэккилэри мунньар, дьарыктанар кэрэ аҥардар мустан, бэрт сэргэх тэрээһин буолан ааста. Бу биэчэргэ, биһиги нэһилиэкпитигэр сибэкки эгэлгэтин мунньар, сөбүлээн дьарыктанар Альбина Николаевна кэлэн кэпсээтэ. Альбина Николаевна бэйэтин сибэккилэрин хаартысканан көрдөрөн кэпсээн, сүбэлэрин биэрдэ.
Альбина Николаевна тула мустубут далбар хотуттар, сибэкки отростактарынан атастаһан, билбэттэрин билэн бардылар. Түмүккэ, аны саас аан дойду дьахталларын бырааһынньыгын диэки нэһилиэк далбар хотуттарын мунньан сибэкки дьаарбанкатын ыытарга этии эттилэр.
