Төрөөбүт тыл уонна сурук-бичик күнэ, Өнөр нэһилиэгэр «Ааҕар балаҕан» бырайыак иһинэн «Сөбүлүүр кинигэм» диэн истиҥ кэпсэтии киэһэтинэн саҕаламмыта. Бырайыак ааптарынан Өнөр орто оскуолатын саха тылын уонна литературатын учуутала Громова Альбина Николаевна буолар.
Бастакы көрсүһүүнү Альбина Николаевна бэйэтэ саҕалаан ыытта.
Бу бырайыакка сөбүлээн аахпыт, харыстаан илдьэ сылдьар сэдэх кинигэлэри аҕалан кэпсээтэ, көрдөрдө. Түмүккэ, кинигэ атастаһан, «Кинигэ долбуура» ватсап группа тэриллэн, өссө да маннык сыл устата ким баҕалаах кэлэн кэпсиир гына түмүккэ этилиннэ.