Василий Федоров -«Дойдум дьоно»

Исай Исакович Брызгалов 1953 сыллаахха ахсынньы ый 9 күнүгэр Мэҥэ Хаҥалас Төҥүлүтүгэр төрөөбүтэ. Бастакы «Дьүкээбил» диэн ырыатын 1980 сыллаахха суруйбута. 40-ча ырыа автора. СР культуратын үтүөлээх үлэһитэ. Биллэр ырыалара: «Дьүкээбил», «Дойдум дьоно», «Ахтылҕан чуумпута», «Айталыына» уо.д.а.

ДОЙДУМ ДЬОНО	   
Я. Тыасытов тыллара, И.Брызгалов мелодията

Тэлэһийэн сылдьаммын
Тэһийбэтэх күннэрбэр,
Дойдум дьонун буламмын
Дьоллономмун үөрэбин.
Кинилэрдиин миигин көрсөр
Ийэ салгын сиккиэрэ,
Хойуу оттоох өҥ хочо,
Наҕыл хатыҥ сипсиэрэ.

Хос ырыата:

Дойдум дьоно дууһабар
Аанньал курдук ыалдьыттар,
Ахтан, суохтаан көрсөрбөр
Аҕам, ийэм курдуктар.

Эҕэрдэлии сыдьаайар
Истиҥ чугас мичээрдэрэ,
Илгэ алаас сарсыардатын
Илдьэ кэлбит курдуктар.
Чэрдээх лобуой ытыстарын
Ыга тутан турдахпына,
Төрүт буорум угута
Итии хааммар кутуллар.

Хос ырыата.