Галина Никитична Шахурдина 1947 сыллаахха Мэҥэ Хаҥалас улууһун Төҥүлү сэлиэнньэтигэр төрөөбүтэ. 1959 сыллаахха Майатааҕы музыкальнай оскуоланы, 1970 сыллаахха Илин-Сибиир Судаарыстыбаннай култуура институтун бүтэрбитэ. Норуокка киэҥник биллэр «Балыктаах киэһэтэ» ырыа Галина Шахурдина бастакы хараҥаччыта буолар. 1990 сылтан Саха АССР мелодистарын сойууһун чилиэнэ. Маны таһынан «Ахтылҕан» (И.Федосеев), «Алгыс ырыата» (М.Куличкина), «Туруйалар» (Н.Харлампьева) уонна да атын, уопсайа 50 чэ ырыалаах.
БАЛЫКТААХ КИЭҺЭТЭ Петр Габышев тыллара, Галина Шахурдина мелодията. Сүүһүнэн уот лаампалар Мичилиһэ үөрэллэр, Балыктааҕым ыччатын Угуйар курдуктар. Хос ырыата: Тулабыт эргиччи Тоҕо баҕас кэрэтэй! Балыктаах, Балыктаах, Балыктаах киэһэтэ! Көрдөөх-нардаах ыччаттар Хаамыстылар кэккэлээн, Бары дьону көҕүлээн Ыллыыллар-туойаллар. Хос ырыата. Иллэҥ кэми атаарар Маннык үтүө киэһэлэр Балыктаахха, биһиэхэ, Мэлдьитин буолаллар. Хос ырыата.