Өнөр нэһилиэгэр, Улуу Кыайыы 75 үбүлүөйдээх сыла, быйыл дойду үрдүнэн ыарыы туран, хомойуох иһин, нэһилиэк олохтоохторугар, аҕа саастаах бар дьоммутугар, куйаар ситимин нөҥүө ыытылынна.
Ол курдук, ыам ыйын 9 күнүгэр кыайыы болуоссатыгар сарсыарда «Өйдөбүнньүк уоту» нэһилиэк аҕа баһылыга Лукачевскай Николай Николаевич уматта, эҕэрдэ тылын эттэ. Бу үөрүүлээх чаас олохтоохторго быһа эфирынан көрдөрүлүннэ.
Өнөрдөөҕү «Тускул» сынньалаҥ киин инстаграм страницатын сирэйигэр Россия геройа М.М. Стрекаловскай оҕолоро Ябловская Александра Михайловна,Стрекалоскай Михаил Михайлович, биир дойдулаахпыт, «Уус-Алдан улууһа» муниципальнай оройуон баһылыгын солбуйааччыта Михаил Васильевич Борисов, Өнөр нэһилиэгин кырдьаҕастарын сэбиэтин бэрэссэдээтэлэ Борисова Любовь Дмитриевна, ону тэҥэ, ыраах-чугас олорор биир дойдулаахтарбыт видео нөҥүө эҕэрдэ тылларын эттилэр, сэрии сылларын санатар хоһооннорун, ырыаларын бэлэх ууннулар.
Күнүс 2 чааска инстаграм платформаҕа «Кыайыыны айхаллыыр ырыалар» нэһилиэк ырыа куттаах ылбаҕай ырыаһыттара эҕэрдэ концертарын видеота таҕыста . Ону тэҥэ, урукку сыллары санатар видео матарыйааллар таҕыстылар.