Бүгүн, балаҕан ыйын 18 күнүгэр биһиги нэһилиэкпитигэр «Саһыл» ферматыгар араас сылларга үлэлээн ааспыт дьоннорбут үтүө ааттарын үйэтитэн кинилэр оҕолоро, сыдьааннара мраморнай билиитэттэн оҥоһуулаах стеллалары «Саһыл» фермата урут үлэлээбит сиригэр уонна бөһүөлэккэ кэлээччи -барааччы көрөн историяны билэ сылдьалларыгар анаан кыайыы болуоссатыгар турар гына оҥотторон бөһүөлэкпит баай историятын кэпсиир дьоһун бэлэх оҥордулар.
Биир дойдулаахпыт Попов Борис Дмитриевич салайааччылаах түмсүү дьоно кэлэн олус үчүгэйдик уруккуну -хойууккуну ахтан-санаан, кэпсээн бар дьоннорун үөртүлэр.
Тэрээһини алгыс сиэрин-туомун нэһилиэкпит ытык кырдьаҕаһа, убаастабыллаах Лыткина Агафия Павловна ыытта. Тоҕуоруһа мустубут дьон ытык көлүөнэ дьон алгыс тылын толору ылан иҥэриннэ.
Салҕыы тыл этиилэргэ Попов Б.Д. уонна Захаров Николай Иннокентьевич төрөөбүт дойдулара үүнэ чэчирии сайдарыгар баҕа санааларын эттилэр. «Өнөр» нэһилиэгин тыа сирин түөлбэтин баһылыга Лукачевскай Н.Н. ыалдьыттарга, стелла оҥоһулларыгар үлэлэспит дьоннорго махтал суруктары туттарда. Попов Б.Д. «Өнөр нэһилиэгин бочуоттаах олохтооҕо» аат биир дойдулаахтарын иннигэр үөрүүлээх быһыыга-майгыга туттарылынна.
Ону тэҥэ, «Саһыл сыдьааннара» диэн олус үчүгэй быыстапканы туруораннар, кэлбит ыалдьыттар көрөн сөҕө -махтайа тарҕастылар.
