Балаҕан ыйа бары тэрилтэлэргэ сыллата үлэлиир дьиэ ис-тас көрүҥүн тупсарыныы, хомунуу-тарааны буолар. Ол курдук, Өнөрдөөҕү «Тускул» сынньалаҥ киинэ саҥа үлэ сезонугар көрөөччүлэрин саҥа килибэчигэй көстүүлээх муосталаах көрсөөрү косметическай ремонт быһыытынан муостабытын лаахтан тупсардыбыт. Көрөөччү саалата уонна фойе муостата кырааскаланан чөлүгэр туһэн, киһи эрэ хараҕа үөрүөх көстүүлэннэ.
Ону тэҥэ, кулууп дьиэтин саамай бас-көс хоһун муостата аныгылыы ититэр материалынан тардыллан, фанеранан көннөрөн, онно эбии үрдүгэр линолиум быраҕыллыбыта тута хос сылыйан быр гына түспүккэ дылы буолла.
Бу ремоннар ыытыллалларыгар муоста кырааскаларга көмөлөспүт кэрэ аҥардарбытыгар Джулия Владиславовна, Светлана Семеновна махтал тылларын этэбит.
Хоспут тупсаҕай көстүүлээх буоларыгар маастардаан, сүбэ-ама буолан көмөспүт Петр Николаевич Протопоповпытыгар махтал батсыҥа тылларын этэбит.
