АХСЫННЬЫ 16 КҮНҮГЭР ӨНӨР НЭҺИЛИЭГЭР ЛИТЕРАТУРОВЕД, ЛИТЕРАТУРНАЙ КИРИИТИК, ТЫЛ БИЛИМИН КАНДИДАТА, А5А ДОЙДУ СЭРИИТИН КЫТТЫЫЛАА5А НИКОЛАЙ ЗАХАРОВИЧ КОПЫРИН ТӨРӨӨБҮТЭ 100 СЫЛЫН БЭЛИЭТИИР «БУОЙУН, УЧУУТАЛ, УЧУОНАЙ» -АХТЫЫ КИЭҺЭТЭ БУОЛАН ААСТА.
Ыалдьыттыы кэлиллэр: Н.З.Копырин оҕолоро, С.Васильев -Борогонскай аатынан улуустааҕы библиотека тиһигэ, Сэһэн Ардьакыап аатынан улуустааҕы түмэл, В.А.Протодьяконов-Кулантай аатынан литературнай түмэл, Дьокуускай куораттан биир дойдулаахтарбыт «Өнөр» түмсүү, Россия наукаларын академията Сибиирдээ5и салаа Гуманитарнай чинчийии уонна хотугу аҕыйах ахсааннаах омуктар проблемаларын института.
Ол курдук, үбүлүөйдээх киэһэ Н.З.Копырин олорбут дьиэтигэр өйдөбүнньүк дуоска арыллыытын үөрүүлээх чааһыттан саҕаланна. Ол кэннэ, Россия Геройа М.М. Стрекаловскай аатынан Өнөрдөөҕү музейга Н.З.Копыриҥҥа аналлаах музейнай чааһы Екатерина Михайловна Стрекаловская ыытта. 15:00 ч. — «БУОЙУН, УЧУУТАЛ, УЧУОНАЙ» ахтыы киэһэтэ бэрт истиҥник буолла. Бары кэлбит ыалдьыттар, олохтоохтор Н.З.Копырин оҥорбут үлэлэрин билиһиннэрэн, кэпсээн, ытыктыыр киһибит олоҕун ахтан-санаан сырдатан аастылар. Николай Захарович айар үлэтин, олоҕун туһунан быыстапканы бэрт сэргэхтик, олус интэриэһинэйдик Е.Н.Литвинцева кэпсээтэ.
