Биhиги дьоллоох олохпут туhугар, кыа хааннарын тохпут сэрии ветераннара! Тапталлаах кэргэттэрин сэрии хонуутугар хаалларбыт, ааhан биэрбэт ыар аhыылаах сэрии огдооболоро, күнү-түүнү ыпсаран, ыарахан үлэ5э мискиллибит, кыайыы түhа диэн күүскүтүн харыстаабакка үлэлээбит, ытыктабыллаах тыыл бэтэрээннэрбит, сэрии ыар кэмин билбит сэрии кэмин о5олоро!
Бугун кинилэр хорсун быhыыларыгар, күүстээх үлэлэрин иhин, суhүөхтээх бэйэбит сүгүрүйэн, хоолдьуктаах бэйэбит хоҥкуйан туран, махтал тылларын аныыбыт! Улуу сэрии алдьархайдаах сылларын санаан тураммыт, кыайыыны уһансыбыт сэрии ыарын бүтүннүүтүн санныларыгар сүгэн туораабыт, ытыктабыллаах ветераннарбытыгар махтанабыт.
Алдьархай ааҥнаабытыгар дойду барыта, биир киһи курдук, өстөөҕү утары хабыр хапсыһыыга туруммута. Сэрии оччотооҕу, Сэбиэскэй норуоту биир сомоҕо оҥорбута, биһиги норуоппут улууканнаах патриотизмы, геройдуу быһыыны уонна самныбат санааны көрдөрбүтэ.
Аҕа дойду Улуу сэриитигэр Өнөр нэһилиэгиттэн 107 киһи баран кыттыбыта. Историяҕа киирбит Москва, Ленинград, Сталиниград куораттар көмүскэллэригэр, Курскай тоҕой кыргыһыытыгар кыттыыны ылбыттара биллэр. Кыргыһыы толоонугар 47 чэгиэнтэн чэгиэн, саҥа туран эрэр ыччаппыт өлбүтэ. Атын 60 киһи сэриигэ, сэрии араас кыһалҕатыгар бэйэни харыстаммат хорсун быһыыны быһыыны көрдөрөн, чэгиэн эттэригэр баас ылан, араас ыарыыларга хаптаран төннүбүттэрэ. Бу сылларга тыылга 164 киһи күүстэрэ-күдэхтэрэ эстэн, аччыктаан өлбүттэрэ. Онон ити тардыллыбыт улуу сэриигэ биһиги нэһилиэкпититтэн 200-тэн тахса тахса киһи олоҕо быстыбыта.
78 сыл анараа өттүгэр, 1945 сыл ыам ыйын 9 күнүгэр Советскай норуот Гитлеровскай фашизмы утары хаан тохтуулаах сэриигэ кыайбыт күнэ үүммүтэ. Кыайыы умнуллубат. Умнубаттар хааннаах сэрии саллааттара, умнубаттар тулаайах хаалбыт оҕолор, умнубаттар огдооболор, умнубат норуот, умнубат сир ийэ дойду. Ким да умнуллубат, туох да умнуллубат.