Дьоро киэһээҕэ улуустааҕы тыа хаһаайстыбатын управлениятын начальнига Степан Бочкарев улуус дьаһалтатын аатыттан олохтоохтору өрөгөйдөөх үбүлүөйүнэн эҕэрдэтин тиэртэ, эҕэрдэ суруктары туттарда.
Сайын ыытыллыахтаах Саха сирин норуоттарын 8 спортивнай оонньууларыгар ыалдьыттары көрсүһүүгэ тутталларыгар анаан «Тускулаана» иистэнньэҥнэр түмсүүлэрэ 100 миэтирэ ситии хатан, 30 олбох тигэн культуура-сынньалаҥ киинин үлэһиттэригэр, ону сэргэ оонньуулары тэрийэр улуустааҕы хамыһыйаҕа тиэрдэллэригэр, 5 маллаах иһити олохтоох дьаһалта баһылыгар Николай Лукачевскайга үөрүүлээх быһыыга-майгыга туттардылар.
