Михаил Михайлович 1914 сыллаахха олунньу 4 күнүгэр Уус-Алдан оройуонугар, уруккута 1 Өспөх нэһилиэгэр төрөөбүтэ.
Наҕараадалара:
- Бойобуой Кыһыл Знамя уордьана.
- Аҕа дойду сэриитин 1 степэннээх уордьана.
- “Германияны Кыайыы иһин” мэтээл.
- “Варшаваны босхолооһун иһин” мэтээл. Итини сэргэ “Владимир Ильич Ленин төрөөбүтэ 100 сылын бэлиэтээн. Килбиэннээх үлэтин иһин”, “Аҕа дойдуну көмүскүүр Улуу сэрии 1941-1945 сылларга килбиэннээх үлэтин иһин” мэтээллэр.
- Иосиф Виссарионович Сталинтан Махтал сурук.
- Саха АССР Үрдүкү Сэбиэтин Президиумун икки Бочуоттаах грамотата.
1996 сыл муус устарга Россия Президенэ Борис Николаевич Ельцин Ыйааҕынан Михаил Михайлович Стрекаловскай Аҕа дойду сэриитин кэмигэр көрдөрбүт хорсун быһыытын иһин Саха сириттэн маҥнайгынан Россия Геройун үрдүк аата иҥэриллибитэ.
Өнөргө саргы-дьаалы салаллан, өрөгөй-талаан үрдээн, “ойуурдаах куобах охтубат, дьонноох киһи тутайбат” диэн өбүгэбит өс хоһоонун курдук, биһиги Мэхээлэбит өйбүтүгэр-санаабытыгар, сүрэхпитигэр өрүү тыыннаах, кини биһиги ортобутугар баар.
Бүгүн, биир дойдулаахпыт, сахалартан бастакы Россия Геройа Михаил Михайлович Стрекаловскай төрөөбүтэ 108 сыла.