Джулия Афанасьева — «Саас»

Николай Горохов Уус-Алдан оройонун Чэриктэй нэһилиэгэр төрөөбүтэ. Художественнай самодеятельность активнай кыттыылааҕа этэ, мелодистар түмсүүлэрин чилиэнэ. «Саас» алаҥха саҕана диэн ырыатынан дьоҥҥо — сэргэҕэ биллибитэ.

"Саас" П.Тобуруокап тыл, Н.Горохов мел.

Хабдьыланар уларданар харалдьыкка
Ханыылаһан алаҥханы тарҕаттылар
Эккирэһэр элэҥнэһэр дьэргэлгэннэр
Эриэн бураан эҥэрдэрэ тэлгэннилэр

Кыккыраһар кыккыраһар кырыы тыалар
Чыллыгырыы чыллыгырыы ылластылар
Күүгэннэнэр көтүөлэнэр күрүлгэннэр
Көмүстэрдиин көрсүһээри түмүстүлэр

Туруруктуур-туруруктуур эргийбэхтиир
Туруйакаам лоҥкуната эҕэрдэлиир
Күннээриккэ түүтээриккэ тимирбэхтиир
Көҥүлбүтүн күөрэгэйим дьирибиниир