Мария Лукачевская — «Тэтиҥнэр»

Иннокентий Афанасьевич Сивцев кулун тутар 8 күнүгэр 1958 с. Уус-Алдан оройуонун киинигэр Бороҕоҥҥо төрөөбүтэ. Саха Государственнай университетын медицинскэй факультетын бүтэрбитэ. 1981 с. Амма оройуонун киин балыыһатыгар хирург быһыытынан үлэлиир.

1976 с СГУ-га үөрэнэ сылдьан «Медик» ВИА тэрийэн университет, республика фестивалларын хас да төгүллээх лауреаттарынан, дипломаннарынан буолбуттара.

Ырыаһыт, эмчит , мелодист И.Сивцев үгүстүк айар кэнсиэрдэрин республика киин оройоннарыгар, радионан, телевидиенэн көрдөрбүтэ.

1977с. бастакы ырыаларын айбыта, барыта 40-тэн тахса ырыалаах. Ырыалара: «Тэтиҥнэр», «Ыһыахха», «Доҕорбор», «Мүрүгэ», «Саҥа Дьыл», «Эн тапталын», «Хатыҥ», «Ийэ санаата», «Сир кэрэмэс кыысчаана», «Мин сибэкким», «Сэгэрим сыыһа».

ТЭТИҤНЭР    
Н. Дьяконов тыллара, И. Сивцев мелодията

Көрбөтөҕүм өр да буолла
Эһигини, тэтиҥнэр,
Кэрэҕитин күөх дуолга
Бэлэхтээбит тэтиҥнэр

Хос ырыата:

Сылайбыкка эрчим эбэр
Сөрүүннээхэй сиккиэргит
Бүгүн миигин көрүстэ
Ахтыбыттыы истиҥник.

Сэбирдэххит илибириир
Үрүмэччи кынатыныы,
Сарыал кууһан дьиримниир
Тутан ылыан кыбыстардыы.

Xос ырыата.

Эһигини өрө уунар
Киэҥ куйаарга күөх кырдал,
Дьон сүрэҕин долгутар
Кэрэҕитинэн киэн туттар.

Хос ырыата.