Алтынньы маҥнайгы күнэ «Аҕам саастаахтар күннэринэн» биллэр. Бу күн чэрчитинэн сыллата биһиги нэһилиэкпит аҕам саастаахтарыгар болҕомто уураммыт араас тэрээһиннэри ыыталыыбыт. Олортон биирдэстэринэн дьиэлэринэн сылдьан эҕэрдэ почтабыт буолар. Бу почтабытыгар биһиги эҕэрдэ ырыалардаах, нэһилиэкпитигэр туох сонун бааын сэһэргэһэ, ону тэҥэ олохтоох библиотека үлэһитэ Светлана Семеновна саҥа тахсыбыт кинигэлэри сырдатар. Күндү дьоммут. Чэгиэн буолун, дьол-саргы эрэ аргыстастын!

Алтынньы 6 күнүгэр «Тойон Мүрү» култуура дыбарыаһыгар «Наше наследие» региональнай этап 2-с түһүмэҕэр онлайн буоларынан баран записьтанан кэллибит. Күрэхтэһиибит бу алтынньы ый саҥата Таатта улууһугар ыытыллыахтааҕын, суолга сэрэхтээх буолбутунан уонна бензин хааччахтанан турар кэмэ буолан онлайн буоларга көһүллүбүтэ. Биһиги нэһилиэктэн «Дьүөгэ», «Тоҕуй» вокальнай ансамбллар кыттыыны ыллылар. Аны түмүк тахсарын долгуйа күүтэбит.