«Иэйии» вокальнай ансаамбыл толоруутгар «Ыллыыр миэхэ күөрэгэй» Иннокентий Артамонов тыллара, Федор Гоголев мелодията

Ыллыыр миэхэ күөрэгэй
                                          Леонид Попов тыллара,
                                          Захар Винокуров мелодията
Уран тылы көрдөөммүн 
Түүнү быһа олордум 
Тыҥ хатыытын көрсөммүн
Олус онно соһуйдум

Утуйбатах бу түүнүм
Тугун баҕас дьиктитэй
Аһылынна түннүгүм
Ыллыр миэхэ күөрэгэй

Хайдах бачча түргэнник
Түүммүт ааһа оҕуста
Түннүк нөҥүө кэрэтик
Сарыал кыыһан таҕыста

Саҥа айбыт ырыабын
Кини бастаан ыллаата
Дууһам сырдык кутаатын 
Эбии күүскэ уматта

«Иэйии» вокальнай ансаамбыл толоруутугар «Ыҥырыыга» Макар Хара тыллара, норуот матыыба

Чуумпуга


Ыҥырыыга Саха уола
Ыраах, ыраах барбыта,
Сырдык түүҥҥэ айан суола
Сындалыйа сыппыта.
       Күүтэр, ахтар ыйы быһа
       Сурук кэлэн биэрбэккэ,
Ыллыыр тахсан доҕор кыыһа
Тахсар үрдүк биэрэккэ:
Көмүс ырыам көтөн тиийэн
Таптыыр уолбар эн этиий,
Дойдутугар, доҕоругар
Тоҕо сурук кэлбэтий?
Ыраах бааргын чугас курдук
Ыллыыр, саныыр диэн этээр,
Сонуок ахсын өлгөм бурдук
Сонуннарын эн кэпсээр.

Ыҥырыыга Саха уола
Ыраах, ыраах барбыта,
Ыраас түүҥҥэ айан суола
Арылыйа сыппыта

«Иэйии» вокальнай ансаамбыл толоруутугар «Фроҥҥа атаарыы»

Фроҥҥа атаарыы

Эллэй тыллара, Н.Слепцов мелодията

Көрөҕүн эдэрдиин эмэнниин,
Ийэ сир бүтүннүү турбутун.
Халлааны хамсатар этиҥнии
Абарбыт өй-санаа күүрбүтүн

Күн көмүс көҥүл дьол иннигэр
Эн хорсун буоларгын билэбит
Ол иһин эйигин сэриигэ
Бу чиэстээн, атааран эрэбит.

Бырааппыт, сэгэрбит кэккэлэс
Мөлүйүөн эн курдук хотойдуун!
Бырааппыт, сэгэрбит сэриилэс
Мөлтөөбөт, чугуйбат геройдуу.

Эйигин ийэ сир ииппитэ,
Коммунист партия, күн Ленин.
Эн Боотур бодоҕун биэрбитэ
Биэрбит Кыайыыга эрэлгин

«Иэйии» вокальнай ансаамбыл толоруутугар «Улуу Кыайыы туһунан баллада»

«Улуу Кыайыы туһунан баллада» 
Уйбаан Бөтүүнүскэй тыллара,
 Анатолий Слепцов мелодията.

1. Уон аҕыс саастарын саҥа туолаат эрэ
Уодаһыннаах сэриигэ барбыттара
Ийэ сири көмүскүү саха эрээттэрэ
Уоттаах өлүү үөһүгэр киирбиттэрэ

Улуу Кыайыыны аҕалар туһугар
Охсуһуу толоонугар охтубуттара
Тыыннарын толук уурбуттара
Тыйыс саха чулуу уолаттара.

2. Онно буолбута уол оҕо барахсан
Уйана-хатана биллэрэ
Хараҥа күүстэрдиин хабырдык хапсан
Саха уола ыстыыгынан үөлсэрэ.

3. Түөскэр-көхсүгэр чөҥөрүйбүт баас ылан
Төрөөбүт алааскар төннөн кэлбэтин.
Алаһа дьиэҕиттэн атааран хаалбыт
Алааһыҥ дьонун үөрүүтүн билбэтин.

«Иэйии» вокальнай ансаамбыл толоруутугар «Туойуоҕуҥ үлэ киһитин»

Туойуоҕуҥ үлэ киһитин

М.Хара тыллара, И. Христофоров мелодията

Үлэ айар сир үрдүн 
Бары кэрэ дьиктини 
Киһи сырдык үөрүүтүн
Кини бары кэрэтин

Туругурда туруоҕүҥ
Улуу тутуу үлэтин
Эҕэрдэлии туойуоҕүҥ
Хорсун үлэ киһитин

Айар-тутар үлэҕэ 
Олох дьолун булабыт,
Дойду күүһэ күдэҕэ
Үлэ дьоно буолабыт

Тэтимирэр тэнийэр
Көхтөөх күргүөм үлэбит
Сулустарга да тиийэр
Суолу киэҥник тэлэбит

«Иэйии» вокальнай ансаамбыл толоруутугар «Тоҕо эрдэ билбэтэмий»

Тоҕо эрдэ билбэтэмий 

Венера Алексеева тыллара,
 Федор Гоголев мелодията

Таптал аптаах кыымнара
Күөдьүйдүлэр сүрэхпэр,
Оо элбэх да сылларга
Сөҥөн сыппыт эбиттэр.

Припев:
Тоҕо эрдэ билбэтэмий 
Маннык таптал кэлиэҕиҥ
Тоҕо тоҥуй сүрэххэ
Эдэр сааспын санаатым

Бырастыы гын, доҕоруом
Албыннаппыт сүрэхпин,
Алҕаһааммын атыҥҥа
Абылаппыт буруйбун

Сайын

Алексей Бэрияк тыллара, норуот матыыба

Сахам сирэ барахсан 
Самаан сайын салаллан
Мутукчатын сытынан
Муҥутаата доҕоттор

Сиэдэрэйкээн дьүһүннээх
Сибэккинэн симэнэн
Алаас кырдал киргэннэ
Сириэдийэ хамсаата

Кыйыргычаан амтаннаах
Кыһыл дьаптал хаптаҕас
Кылыгырас уктара
Кычыгыраан ыйанна

Арыы, кымыс, үүт, суорат
Астарынан киэн туттан
Албан ааттаах от ыйа 
Айгыр силик анньынна

«Иэйии» вокальнай ансаамбыл толоруутугар «Саас»

      Саас       
Андрей Борисов тыла,
Василий Федоров мел.                                            
                                                                                                           
Күндү таастыы                              
Күлүмүрдүү
Күөх чопчулар
Ыйаммыттар
Кыҥкыр-лыҥкыр
Ырыа ыллыы
Ыраас таммах
Ыстаҥалыыр
 

Сааһы таптаа
Сааһы алҕаа
Саас сырдыгын
Дьоҥҥо иҥэр
Сааһы таптаа
Сааһы алҕаа
Саас сырдыгын
Бэйэн иҥэр
 
Дьикти үөрүү
Дьол уотунан
Түөһүн иһин
Толорбохтуур
Сүрэх нүөйэ
Сырдык кыымы
Саамал кымыс
Курдук иһэр
 

Кыайыы ырыаларыгар попурри

Илин ыраах сарыал кыыста
Ырыа чыычаах үөһэ дайда
Күммүт ойон туман көттө
Мүөттээх салгын саба биэрдэ
Сирэм күөххэ сииги кэһэн 
Үөрэ-көтө ыччат киирдэ 
Эдэр сүрэх күүскэ тэптэ
Эрчим күрэх үлэ күүрдэ

Хоту дойду хонноҕунан
Холуонналар бардылар
Хара тыанан толоонунан 
Хайыһардар дайдылар
Өстөөх ханна саһан сытар
Өстөөх ханна хайыһар
Ситиэ онно сытыы буулдьа
Ситиэ сыыдам хайыһар

1941-45 тыыннаахтар умнубат сыллара 
Адьырҕа өстөөҕү кыдыйар ытык иэс
Андаҕар этиллэр тыллара
Ол этэ уот сэрии ынырык сыллра
Тыыннаахтар умнубат сыллара

Сэрии уотугар хас да сыл сылдьан
Саллаат ыар кэмнэрин көрбүтэ
Суумкатын сүгэн суол устун хааман
Дьиэтигэр төннөөхтөөн испитэ.
Халҕанын аһан дьиэтигэр киирдэ
Кырдьаҕастар ийэтэ билбэтэ
Кыа хааннаах сэрии уотуттан ордон
Төрөөбүт алааспын дьэ буллум

Көҥүл сырдык уотун ыытар
Күндү куорат Москуба
Дойду норуот дьоллоругар 
Көттө эйэ холууба
Баҕарбаппын сэрии буолан
Дьиэ-уот олох алдьаныан
Төрүүр оҕо дьоло кэхтэн
Ийэ-аҕа айманыан 
Хааннаах сэрии хабарҕатын
Хайаан да хам тутуохпут
Эйэ суулбат суон дурдата
Мэлдьи биһиги буолуохпут

«Иэйии» вокальнай ансаамбыл толоруутугар «Кэриэстээн»

Кэриэстээҥ
                                              Петр Максимов тыла, Василий Федоров мелодията
Халлааҥҥа күөрэгэй ыллыыра 
Күөх дуолга оһуокай оонньуура. 
Ып ыраас халлааҥҥа сатарар 
Этиҥнии сэрии диэн ыар сурах 

Атаарыы ыар санаа баттыгар 
Ийэлэр ытаһа хаалаллар. 
Сайыһа хаалаллар алаастар, алардар 
Үүнүүлээх буолактар, саалаахтан самнымаҥ боотурдар. 

Кэлэллэр ыар нүһэр сурахтар 
Санааны күүһүрдэр суруктар, 
Өлүүнү утары тураммыт, 
Өстөөҕү имири эһиэхпит. 

Үлэлээҥ дойдугут туһугар 
Үйэлээх көҥүл дьол туһугар. 
Эрэниҥ эрдийиҥ, хорсуннук үлэлээҥ, 
Өстөөҕү өһөрөн, кыайыылаах эргиллэн кэлиэхпит. 

Түөрт уон биэс ыам ыйын тохсуһа, 
Өстөөхпүт өһөҕөр чачайда, 
Эргиллэн кэллилэр боотурдар, 
Эйэлээх үлэҕэ турдулар. 

Халлааҥҥа күөрэгэй ыллаата 
Күөх дуолга оһуокай дуорайда. 
Кэриэстээҥ, кэриэстээҥ сэриигэ охтубут, 
Хааннара тохтубут боотурдар албаннаах ааттарын.