Күндү нэһилиэк олохтоохторо!
Бэс ыйын 21 күнүгэр ыытыллар нэһилиэк ыһыаҕар “Амтаннаах алаадьы” күрэх тосхолун билиһиннэрэрбитин көҥүллээн.
Саха мааны аһын алаадьыны астаан аҕалан, норуокка амсатыы (дегустация) түмүгүнэн тахсар “Амтаннаах алаадьы” күрэххэ кыттаргытыгар ыҥырабыт.
“Амтаннаах алаадьы” сахалыы алгыстаах аспыт күрэҕэр ким баҕалаах астаан кэлэр уонна кыттыыны ылара көҥүл. Элбэх сөбүлэҥи ылбыт алаадьы хаһаайката кыайыылааҕынан тахсар.
Тэрийэр бөлөх.
Россия Геройа Михаил Михайлович Стрекаловскай төрөөбүтэ 110, Россия5а “Дьиэ кэргэн” сылларын чэрчитинэн, Өнөр нэһилиэгэр үрүҥ тунах ыһыахха «Сахалыы таҥнар – Саха ыала» сахалыы таҥас күрэҕин балаһыанньата:
Ыытыллар сирэ: Ыһыахтыыр түһүлгэ “Парка”
Буолар кэмэ: Бэс ыйын 21 күнэ, 2024 сыл
Күрэх сыала-соруга:
● Саха омуга таҥнар таҥаһын ураты көстүүтүн, быһыытын-таһаатын, ойуутун-дьэрэкээнин сайыннаран, харыстаан үйэлэри уҥуордаабытын тириэрдии.
●Сахалыы таҥаһы кэтиини киэҥ эйгҕэ тарҕатыы
●Сахалыы таҥаһы пропагаандалааһын
Күрэх ирдэбилэ:
●күрэххэ дьиэ кэргэнкыттыыны ылар (3 сылтан бэттэх тигиллибит таҥастар)
●күрэхтэһээччилэр дьиэ кэргэни билиһиннэрэр, таҥастарын ким тикпитин кэпсиир аннатацияларын суруйан биэрэллэр.
●Сахалыы таҥаһы муодалаан (хааман) көрдөрөллөрө ирдэнэр.
●Кыттыыны ылаллар, Өнөр нэһилиэгин олохтооохторо уонна биир дойдулаахтарбыт
Сыаналанар:
●сахалыы таҥас быһыыта, дьүһүннэрин дьүөрэлэһиитэ
●тупсаҕай көстүүтэ
Наҕараадалааһын:
-Күрэхтэһии түмүгүнэн кыайыылаахтарга өйдөбүнньүк бириистэр, туоһу суруктар туттарыллыахтара.
Сайаапканы ыһыах буолар күнүгэр диэри биэрэҕит.
Дьүүллүүр сүбэ быһаарыыта бүтэһиктээх.
Тэрийэр бөлөх.
Саха республикатыгар “Оҕо-аймах” сылынан, Үрүҥ тунах ыһыаҕы көрсө, оҕолорго «Сайын Куо» күрэх балаһыанньата:
Күнэ-дьыла: Бэс ыйын 21 күнэ, 2024 сыл
Буолар сирэ: Ыһыахтыыр түһүлгэ
Тэрийээччилэр: Өнөрдөөҕү “Тускул” сынньалаҥ киинэ
Күрэх сыала-соруга:
— Саха кыыһын көхтөөх позициятын, культууратын үрдэтии
-Кыыс уобараһын, кэрэтин көрдөрүү
-Саҥа талааннары арыйыы
— Иллэҥ кэми туһалаахтык атаарыы.
Күрэх ирдэбилэ:
-11-15 саастаах кыргыттар кыттыыны ылаллар
-Өнөр нэһилиэгин үөрэнээччилэрэ уонна биир дойдулаахтарбыт кыттыыны ылаллар
Түһүмэхтэрэ:
- Бэйэни билиһиннэрии
- Талаан
- Боппуруостарга эппиэттээһин
- Ыһыах мааны, сахалыы танас кэрэ көстүүтүн көрдөрөр дефиле
Сыаналанар:
-Сыана5а туттуу-хаптыы
-Толоруу маастарыстыбата
-Көстүүм, таҥас сиэдэрэй көстүүтэ.
Сайаапкалары бэс ыйын 20 күнүгэр диэри, 89659965018 нүөмэргэ ыытаҕыт.
Түмүк: Кыайыылаахтар өйдөбүнньүк бириистэринэн уонна дипломнарынан на5араадаланыахтара.
Күрэх кыттыылаахтарын дьүүллүүр сүбэ быһаарар.
Россия Геройа Михаил Михайлович Стрекаловскай төрөөбүтэ 110, Саха республикатыгар “Оҕо-аймах” сылларынан, Өнөр нэһилиэгэр үрүҥ тунах ыһыаҕы көрсө, оҕолорго фольклор күрэҕин балаһыанньата:
Буолар сирэ: Ыһыахтыыр түһүлгэ
Буолар күнэ: Бэс ыйын 21 күнэ, 2024 сыл
Тэрийэр бөлөх: «Өнөр нэһилиэгэ” тыа сирин түөлбэтэ, “Тускул” СК
Күөн күрэс сыала – соруга:
-Кэнэ5эски кэнчээри ыччаты фольклорга уһуйуу, угуйуу, үөрэтии.
-фольклору үйэтитии, пропагандалааһын
Ирдэбилэ:
-Маннык көрүҥнэргэ күрэх буолар:
●хомус
●Тойук
●Норуот ырыата
●Олоҥхо
●чабырҕах
●Дэгэрэҥ ырыата
-күрэхтэһиигэ биирдиилээн толорооччулар кытталлар (Уһуйаан уонна оскуола саастаах о5олор кыттыыны ылаллар)
Сыаналанар:
-кыттааччы сценическай культурата.
-тылын-өһүн чуолкайа.
-нүөмэрин жанрыгар олоҕуран чаҕылхайдык толоруута.
-Толоруу хаачыстыбата сыаналанар.
-дьүүллүүр сүбэ быһаарыыта бүтэһиктээх.
-күрэххэ Өнөр нэһилиэгиттэн төрүттээх уонна олохтоох оҕолор кыттыыны ылаллар.
Сайаапканы ыһыах буолар күнүгэр диэри биэрэҕит.
Тэрийэр бөлөх.
“Толбоннурар уһун суһуох” күрэх.
Күрэх 3 бөлөххө арахсар:
1. Уһуйаан уонна алын кылаас оҕолоро
2. 5-11 кылаас кыргыттара
3. 18-с сааһыттан үөһэ саастаах улахан дьон.
Кыттааччы сиэдэрэй көстүүлээх былааччыйалааҕа эбэтэр сахалыы таҥастааҕа биһирэнэр.
Кыттааччылар кылгас аннотацялаах буолаллара ирдэнэр.
Россия5а “Дьиэ кэргэн” сылын чэрчитинэн, Өнөр нэһилиэгэр үрүҥ тунах ыһыахха ыытыллар «Дьиэрэй ырыа» ырыа күрэҕин балаһыанньата:
Буолар сирэ: Ыһыахтыыр түһүлгэ
Буолар күнэ: Бэс ыйын 21 күнэ, 2024 сыл
Тэрийэр бөлөх: «Өнөр нэһилиэгэ” тыа сирин түөлбэтэ, “Тускул” СК
Күөн күрэс сыала – соруга:
-Көлүөнэ ситимнэһиитэ
-Сахалыы ырыаны пропагандалааһын
-Саҥа талааннары арыйыы, билиһиннэрии
Ирдэбилэ:
-Дьиэ кэргэн кыттыыны ылар
Хос быһаарыы: Күрэххэ кэргэнниилэр, төрөппүт оҕотунаан, эбэ эбэтэр, эһэ сиэнинэн, бииргэ төрөөбүттэр кытталлар.
-Кыттааччылар көҥүл темаҕа 1 ырыаны толороллор.
-Күрэххэ нэһилиэк олохтоохторо уонна Өнөртөн төрүттээх биир дойдулаахтарбыт кытталлар.
-Ырыа доҕуһуола көҥүл
Сыаналанар:
● Толоруу маастарыстыбата
●Сценическай культура
Сайаапканы ыһыах буолар күнүгэр диэри биэрэҕит.
Тэрийэр бөлөх.
