Олоҥхо күнүн көрсө «Дьиэрэй, дьиэрэһитэр дэгэрэҥ» дэгэрэҥ ырыаны толорооччуларга, кэтэхтэн ыытыллар аһаҕас күрэх балаһыанньата:
Тэрийээччилэр: Уус-Алдан улууһа (оройуона) «Өнөр нэһилиэгэ» Муниципальнай тэриллии «Өнөрдөөҕү «Тускул» сынньалаҥ киинэ».
Сайаапкалары тутуу: сэтинньи ый 17 күнүттэн сэтинньи 27 күнүгэр диэри тутабыт.
Түмүк сэтинньи 29 күнүгэр тахсар.
Күөн күрэс сыала-соруга:
-Дэгэрэҥ ырыаны киэҥ эйгэҕэ тарҕатыы, сайыннарыы
-Саха ырыатын төрүт ньымата салгыы сайдарыгар үлэлэһии
-Саҥа ааттары арыйыы
Күөн күрэс сүрүн ирдэбиллэрэ:
-Күрэх 2 бөлөҕүнэн ыытыллар. Биирдиилээн уонна бөлөҕүнэн толорооччулар кытталлар.
● 18-35 саастаах эдэр ыччат
● 36 – үөһэ саастаах дьон
Доҕуһуола көҥүл.
Кыттааччылар сахалыы таҥастаах буолаллара биһирэнэр.
Сыаналанар:
-Толоруу маастарыстыбата
-Сыана5а туттуу-хаптыы
-Куолаһын кэрэтэ
Усунуос:
Соло — 200 солк.
Бөлөх — 300 солк.
Видео сытыары уһуллара ирдэнэр;
89659965018 — Мария (WhatsApp, Telegram)
89627306161 — Анна (WhatsApp, Telegram)
Усунуоһу 89659965018 нүөмэргэ ыытаҕыт. Чегы кытта сайаапкаҕытын (Кыттааччы (бөлөх) аата, салайааччы толору аата, хантан сылдьара, сааһа)ыйан туран ыытаҕыт.
Күрэх түмүгэ сэтинньи 29 күнүгэр кулууп сайтын сирэйигэр onerclub.ru тахсан сырдатыллыахтара.
Күрэх түмүгэ дьүүллүүр сүбэ быһаарыытынан тахсар.
Хас биирдии кыттааччыга, салайааччыга кыттыбыттарын туоһулуур сертификаттар туттарыллыахтара. Кыайыылаахтарга дипломнар, анал ааттар инэриллиэхтэрэ
