20.04.2019 Муус устар 20 күнүгэр Мүрү нэһилиэгэр «Тускул» сынньалаҥ киинин директора, Саха Республикатын культуратын туйгуна, Уус-Алдан маанылаах куолаһа Ион Лукачевскай үйэ аҥардаах үбүлүөйүн көрсө «Төрөөбүт алааскын эн таптаа…» ырыа дьоро киэьэтин бэлэхтээтэ. Кэнсиэргэ Ион Лукачевскай кыыһа Күннэй Лукачевская, аймахтара, доҕотторо кэлэн эҕэрдэлээн ырыаларын бэлэхтээтилэр. Улуус баһылыгын солбуйааччы Борисов Михаил Васильевич «Улуус социальнай экономическай сайдыытыгар кылаатын иһин» знагы Ион Лукачевскайга уонна «Тускул» сынньалаҥ киинин аккомпаниаторыгар, Саха Республикатын культуратын туйгунугар Василий Федоровка туттарда.