04.02.2019. Олунньу 4 күнүгэр Өнөр нэһилиэгэр Россия Геройа Михаил Михайлович Стрекаловскай төрөөбүтэ 105 сылыгар аналлаах «Албан ааттаах Геройбутугар Айхал!» үөрүүлээх тэрээһин ыытылынна. Бу тэрээһин арыллыыта кыайыы болуоссатыгар торжественнай миитининэн са5аланна. Россия Геройун төрөппүт уола Михаил Михаил Стрекаловскай, Улуус мунньаҕын депутаттарын сэбиэтин бэрэссэдээтэлэ Иван Иванович Колодезников, Саха Республикатын тыа хаһаайыстыбатын министерствотын бастакы солбуйааччыта Осипова Татьяна Матвеевна, полиция майора, участковайдар уонна ПДН отделениетын начальнига Бубякин Еремей Васильевич нэһилиэк олохтоохторугар эҕэрдэ тылларын эттилэр. Герой бюһугар М.М. Стрекаловскай аатынан Өнөр орто оскуолатын «Шмас» военно-патриотическай клуб оҕолоро кэриэстэбил гирлянданы уонна нэһилиэк олохтоохторо, ыалдьыттара сибэкки дьөрбөтун уурдулар. Олохтоох музей дьиэтигэр Россия Геройа Михаил Михайлович Стрекаловскай төрөөбүтэ 105 сылынан, Уус-Алдан улууһугар Геройдар сылларынан, Өнөр нэһилиэгэр Албан аат сылларын чэрчитинэн Кыайыы пааматынньыгын реконструкциятыгар акция ыытылынна.
