Хомус уонна олоҥхо күннэрин чэрчитинэн, Өнөрдөө5ү «Тускул» СК ахсынньы 1 күнүгэр «Олоҥхо тойуга, хомус дьурускэнэ» тэрээһин буолан ааста. Тэрээһиҥҥэ Россия Геройа М.М.СТРЕКАЛОВСКАЙ аатынан Өнөр орто оскуолатын үөрэнээччилэрин толорууларыгар, биир дойдулаахпыт Черноградскай С. И. «Хопто Буурай аттаах Хапталдьын Боотур» олоҥхотун көрдүбүт. Кырачаан артыыстарбыт ох курдук оҥостон, олоҥхолорун көрдөрдүлэр. (Салайааччылар: Громова А.Н., Афанасьева Д.В., Атласова Д.в.). Ону тэҥэ, улахан дьоннор Ушницкай С.Н.-Хоьуок Сэмэн «Бэриэт Бэргэн» олоҥхоттон быһа тардыыны аахтылар. (Оруолларга:-М.Лукачевская, А.Макарова, Д.Афанасьева, Н.Лыткин, Н.Сыроватскай, И.Лукачевскай). Оскуола о5олоругар эрдэ биллэриллибит «Мин — олоҥхо дойдутун оҕотобун» Олоҥхо ис хоһоонунан уруһуй, оҥоһук быыстапкатын туруордулар уонна түмүгүн директоры үөрэх чааһыгар солбуйар завуч Бурцева Е.М. иһитиннэрбитэ. Олохтоох музей, Олоҥхоһут Ушницкай С.Н.-Хоһуок Сэмэн, олоҥхоһут, оһуохайдьыт Черноградскай С.И., олоҥхону чинчийэн үөрэтээччи Захарова А.Е. аналлаах быыстапкатын туруордулар. «Боотурдар оонньуулара», олоҥхо тиэмэтигэр ыйытыктары оҥордо Громова А.Н. «Олоҥхо дойдутун уйгулаах аһа» (Саха төрүт аһын кытта билсиһиннэриигэ ас а5алан көрдөрдүлэр, атыылаатылар). «Олоҥхо — саха норуотун духуобунай баайа» — кинигэ быыстапкатын олохтоох библиотека туруорда. Саха фольклора сайда-чэчирии, үүнэ туруохтун
