Ыам ыйын 9 күнүгэр, нэһилиэк тэрилтэлэрэ (Оскуола, кулууп, балыаһа, детсад, олохтоох администрация) уонна ветераннар хамаандалара буолан, уопсайа 6 хамаанда кыттыылаах ытыы күрэҕэ буолан ааста. Хамаанда састаабыгар 2 далбар хотун уонна 3 эр дьон киирдэ.
Күрэхтэһиигэ «куропатка» уонна «белка» диэн 2 көрүҥүнэн ыттыбыт.
Күрэх түмүгүнэн 1 миэстэ «Ветераннар» хамаандалара.
2 миэстэ — Оскуола хамаандата.
3 миэстэ-Детсад хамаандата буолары ситистилэр.
Онтон хаалбыт хамаандалар, аныгыскы күрэхтэһиигэ күүскэ бэлэмнэнэн кэлиэхпит диэн тарҕастыбыт. Бэрт сэргэх, интэриэһинэй тэрээһин буолан ааста. «Бу курдук, өссө тиһэҕин быспакка, нэһилиэнньэ олохтоохторун барытын хабан үгэскэ киллэриэххэ баар этэ» — диэн кыттааччылар санааларын эттилэр.
