Алтынньы 1 күнүгэр, Өнөр нэһилиэгин аҕам саастаах дьонугар анаан, Сааһырбыттар күннэрэ куйаар ситимин нөҥүө ыытылынна. Ол курдук, «Таайыҥ эрэ кимий? » — диэн оҕо эрдэҕинээҕи хаартыскалары хомуйан онлайн нөҥүө группаҕа ыытан көрдөрдүлэр. (12 киһи кытынна). Ону тэҥэ, байаанынан былыргы ырыалары таайыыга бары көхтөөхтүк таайан бэрт сэргэхтик буолла. «Умнуллубат көмүс ырыалар» — байаанынан доҕуһуоллаах ырыаны ыллаан бэлэхтээтилэр И.М.Лукачевскай, А В Макарова, М И Лукачевская, В Г Федоров, И.И.Бочкарева. «Эһэлээх ыччаттара» диэн эдэр ыччаттар түмсүүлэрэ бэйэлэрин баҕа өттүнэн сааһырбыттары хабан барыта 28 киһиэхэ сэмэй бэлэхтэри туттардылар .