Быйыл Өнөр нэһилиэгин ыһыаҕа куйаар ситимин нөҥүө ыытылынна.
Сарсыардатттан «Тускул» сынньалаҥ киинин инстаграм сирэйигэр ыһыах алгыһа, ытык дуоҕа киириитэ, баһылык Лукачевскай Н.Н. эҕэрдэтэ, музыкальнай эҕэрдэлэр видеолара көһүннэ. Ону тэҥэ, «Маанылаах сандалы түһүлгэтэ» (тиэргэҥҥэ дьиэ кэргэнинэн аһааһын), «Иис-уус абылаҥа» Өнөр нэһилиэгин талба талааннаахтарын, уран-уустарын быыстапката, «Сайдам ыал» түөлбэлэр икки ардыларыгар дьиэ-кэргэн күрэҕэ, оҕолорго фольклор күрэҕэ, «Саха кэрэ киэргэлэ» оҕуруо эйгэтин алыбар саҥа саҕалааччыларга анаан күрэхтэр ыытылыннылар. Киэһэ инстаграм страницатыгар урукку сылларга тэрээһиҥҥэ кыттыбыт, нэһилиэк аатын чиэстээхтик көмүскээбит уус-уран самодеятельность кыттыылаахтарын видеоархивтара көһүннүлэр.