Алтынньы 25 күнүгэр «Тускул» СК «Саха Сиригэр общественнай инфраструктура сайдарыгар нэһилиэнньэ көҕүлүүр бырайыактарын олоххо киллэрии — 2020» программатыгар кыттарга талыы мунньаҕа буолан ааста. Олохтоох көҕүлээһини өйүүр программаҕа нэһилиэкпит дьоно өссө төгүл кыттан, саҥа кирбиилэри ылан биир санаанан мунньахха кэлэн санааларын үллэһиннилэр.
Алтынньы 23 күнүгэр, Саха сиригэр Ийэлэр күннэринэн, нэһилиэкпит талааннаах бар дьоно күн-күбэй ийэлэрбитигэр анаан «Ийэ Дьоло»- диэн эҕэрдэ концертка ылбаҕай ырыаларын, дьэрэкээн үҥкүүлэрин бэлхтээтилэр.
Алтынньы 15 күнүгэр сааһырбыттар декадаларын чэрчитинэн «Кырдьыбат сүрэхтэр» аҕа саастаах дьоммутугар анаммыт истиҥ көрсүһүү киэһэ буолан ааста. Бу киэһэ истиҥ эҕэрдэ ырыалар ылланнылар,»Дьиэм саамай былыргы мала»- диэн быыстапка-конкурс буолла.
Алтынньы 12 күнүгэр Өнөр нэһилиэгэр Черноградская Татьяна Егоровна «Өнөр үлэһит дьоно» — диэн саҥа кинигэтин сүрэхтэниитэ буолла.
Алтынньы ый 11 күнүгэр «Тускул» сынньалаҥ киинэ 45-с үлэ сезонун арыйда. Бу киэьэ ыаллыы сытар Уһун-Күөл бөһүөлэгин «Аргыс» сынньалаҥ киинин үлэһиттэр уонна эдэр талааннаах ыччаттара олус сэргэх, истиҥ эҕэрдэ киэһэтин бэлэхтээтилэр.
Алтынньы 8 күнүгэр , Саха Өрөспүүбүлүкэтин норуоттарын оонньуулара буолара 1000 хонугун бэлиэтиир «Тумэр кун» үөрүүлээх чааһа буолан ааста. Ол курдук, Музей дьиэтигэр нэһилиэкпит бастыҥ спортсменнарын туһунан быыстапканы көрүү буолла, эҕэрдэ тыллар этилиннилэр, көлүөнэлэринэн остуол оонньууларыгар күрэх ыытылынна. Ону тэҥэ, улууспут киинигэр буола турар «Тумэр кун» үөрүүлээх чааһын быһа эфирын көрдөрдулэр.
