14.01.2019 Бу сыл тохсунньу 14 күнүгэр Тумул нэһилиэгин талааннаах уолаттара: Василий Новоприезжий, Николай Новгородов, Афанасий Новоприезжий, Марсен Протопопов уонна бөлөх салайааччыта Роман Пирожков кэлэн көрү-нары көҕүлүттэн тутан, ырыаны-тойугу дьиэрэтэн Эргэ Саҥа Дьылынан эҕэрдэлээн бэртээхэй бэлэх оҥордулар.
13.01.2019 Тохсунньу 13 күнүгэр Өнөр нэһилиэгэр ааспыт сыл түмүгүнэн «Итоги года-2018» тэрээһин буолла. Нэһилиэкпит бастыҥнарын чиэстиир тэрээһин үөрүүлээх чааһыгар «Өнөр нэһилиэгэ» муниципальнай тэриллии баһылыга Николай Николаевич Лукачевскай эҕэрдэлээн наҕараадаларын туттартаата.
11.01.2019 Тохсунньу 11 күнүгэр Таҥха-норуот үгэһэ билгэ, таҥха, санаа күүһүнэн бэйэни салайыныы, алгыһынан ыраастаныы киэһэтэ буолла. кыттыыны ыллылар СӨ культуратын туйгуна Никифорова Т.А.- Тайаана, СӨ Национальнай библиотекатын оҕоҕо уонна ыччакка киинин кылаабынай библиотекара Яковлева А.Д.
08.01.2019 «Далбар» кийииттэр түмсүүлэрин бырааһынньыктааҕы көрсүһүүтэ буолла. Өнөр нэһилиэгэр кийиит буолан кэлбит кэрэ мааны далбар хотуттарбыт көрсөн бырааһынньыктааҕы тэрээһиҥҥэ кэлэн ыллаан-туойан, оонньоон-көрүлээн, үҥкүүлээн, ирэ-хоро кэпсэтэн сынньаннылар.
07.01.2019. Тохсунньу 7 күнүгэр Виталий Очиров уонна Кеша Васильев кыттыылаах «Ини-бии уолаттар» шоу концертарынан кэлэн ыалдьыттаан, толору дьолунан туолбут алыптаах ырыаларын бэлэх уунан, бар дьоммут кутун — сүрүн көтөхтүлэр.
06.01.2019 Бу сыл тохсунньу 6 күнүгэр Эстрада ырыаһыттара уонна саҥа ааттара Дархан, Кэрико, Женя Юмшанова, Айылгы Уола уонна фокусник Хара Маска кыттыылаах саҥа дьыллааҕы кэнсиэр буолан ааста.
06.01.2019 Тохсунньу 6 күнүгэр аҕам саастаахтар бырааьынньыктааҕы көрсүһүүлэрэ буолла. Бырааһынньык үөрүүлээх чааһыгар олохтоох бэйэни салайыныы дьаһалтатын баһылыгын солбуйааччы Шелковникова Антонина Егоровна, СӨ суруйаачыларын сойууһун чилиэнэ Николай Николаевич Литвинцев уонна кырдьаҕыстар түмсүүлэрин бэрэссэдээтэлэ Екатерина Ивановна Ушницкая эҕэрдэлээтилэр. Үөрүүлээх тэрээһини Оһуохайынан түмүктэннэ.
04.01.2019 Эстрада сулустара Евгений Прокопьев, Елена Старостина — Хотун Арылы, Мистер Саксофон кэлэн кэнсиэрдээн дьоммутун-сэргэбитин кэлэн сэргэхситтилэр.
04.01.1019 Үүммүт саҥа сылы көрсө тохсунньу 4 күнүгэр «Тымныы Моруос бэлэ5э» кырачаан оҕолорбутугар аналлаах утренник буолла. Араас конкурстар, эҕэрдэ нүөмэрдэр, аттракционнар, ону тэҥэ, сонун мобильнай планетарий кэлэн ыалдьыттаан оҕолорбут үөрэн-көтөн, оонньоон-көрүлээн дуоһуйа сынньаннылар.
Ахсынньы 31 күнүгэр ааьан иһэр сылы атаара, кэлэр сылы көрсө бырааһынньыктааҕы концерт буолла. Концертка сыл устата араас курэхтэргэ ситиһиилээхтик кыттыбыт нэһилиэкпит талба талааннара кытыннылар. Сана сылы көрсе ыытыллыбыт күрэхтэр түмүктэрэ таҕыстылар. Ол курдук, «Лучшая новогодняя усадьба» күрэххэ кыайыылааҕынан Екатерина, Григорий Ущницкайдар; камин уонна снеговик оҥоруутугар Светлана, Иван Протопоповтар; маскарад күрэҕэр Екатерина Ущницкая; муус оҥоһукка Иван… (читать далее)
