Алтынньы 6 күнүгэр аҕам саастаахтар декадаларын чэрчитинэн «Мин сэдэх дьарыгым» коллекционердар быыстапкалара арылынна. Нэһилиэкпитигэр баар, ураты дьарыктаах дьоммут түмсэн, санаа атастаһан түмсүүнү сөргүтэргэ этиилэри эттибит, иһиттибит.
Түмсүүнү тумэн, тирэх буоларга салайар наставнигынан Литвинцева Е.Н. куоластаан таллыбыт. Көмөлөһөөччүлэринэн, солбуйар чилиэннэринэн Черноградская Л.С., Захарова Н.С. куоластааһын түмүгүнэн буоллулар.
Көрсүһүүгэ баҕа санаалар, араас этиилэр киирдилэр. Түмсүү үлэтэ тахсыылаах, түмүктээх буоларыгар бары күүс-көмө буолан үлэлиэхпит диэн көрсүһүүнү түмүктээтибит.
Быыстапка алтынньы 8 күнүгэр диэри нэһилиэкпит олохтоохторугар «Тускул» сынньалаҥ киинигэр турда.
