Ахсынньы 9 күнэ Российскай Федерация президенин 2007 сыл кулун тутар 28 күннээҕи 22-с ньүөмэрдээх ыйааҕынан «Геройдар күннэринэн» биллэриллэн бутун Россия үрдүнэн бэлиэтэнэр. Бу күн, Өнөр нэһилиэгэр кыайыы болуоссатыгар «Өйдөбүнньүк уота» умайда.
Кырыа кыһыммыт тиийэн кэлэн, оҕо-аймах бары күүтэр кэтэһиилээх Саҥа дьылбыт чугаһаабытынан «Раз, два, три Елочка гори» оҕолорго анаан аһаҕас өрөспүүбүлүкэтээҕи күрэх ыытылынна. Күрэх 4 түһүмэххэ арахсан, вокал, открытка, хоһоон көрүҥнэринэн ыытылынна. Өрөспүүбүлүкэбит араас муннуктарыттан Сахабыт сирин талааннаах кэнчээри ыччаттара, барыта 120 тахса оҕо-аймах кыттыыны ылла.
Ахсынньы 1 күнүгэр Өнөр нэһилиэгэр Саҥа Дьыллааҕы харыйа уота сандаара умайда. Ыраах хоту дойдуттан Тымныы Моруос оҕонньор, сиэн кыыһынаан Хаарчааналыын кэлэн эҕэрдэлэрин эттилэр, харыйа уотун уматтылар. Үөрүүлээх чаас куйаар ситимигэр Өнөрдөөҕү «Тускул» сынньалаҥ киинин инстаграм сирэйигэр сырдатылынна.
Россияҕа Ийэ күнүн көрсө, Өнөр нэһилиэгин эдэр эрчимнээх ураты талааннаах сатабыллаах хаһаайкаларын туһунан рубрика куйаар ситимигэр таҕыста. Бэйэлэрин сүбэлэринэн, сатабылларынан биир дойдулаахтарбыт Марианна Бурцева, Альбина Ефимова, Вера Донская нэһилиэк олохтоохторун кытта үөрэ-көтө үллэһиннилэр.
Кырыа кыһын тиийэн кэлэн, кыстыкка үктэммит үөрүүлээх кэммитин көрсө «Идэһэ — 2020» күрэх ыытылынна. Ол курдук, күрэх хас да түһүмэххэ арахсан ыытылынна: «Тыа сирин олоҕо» үлэни-хамнаһы көрдөрөр хаартыска, «Мааны ас» эт астан оҥоһуллубут ураты бүлүүдэ хаартыска, «Мааны Маҕааччыйа» хороҕор муостааҕы киэргэтэр хаартыска, «Саамай уһун кутурук». «Чыпчаал аат» кыайыылаах аата — Елена Николаевна Ушницкая 1 миэстэ… (читать далее)
Сэтинньи 17 күнүгэр инбэлиитэр декадаларын чэрчитинэн, «Сылаас сыдьаай, сырдык мичээр» Өнөр нэһилиэгин доруобуйаларынан хааччахтаах оҕолоро талба талааннарын,айар дьоҕурдарын, сөбүлүүр дьарыктарын видео нөҥүө нэһилиэк олохтоохторугар көрдөрдүлэр.
СӨ Культуратын туйгуна, СӨ Ырыа айааччыларын Сойууһун чилиэнэ, “СӨ Норуот уус-уран айымньытын сайдыытыгар киллэрбит кылаатын иһин» бэлиэ хаһаайына, улуус, өрөспүүбүлүкэ ырыа күрэхтэрин хас да төгүллээх кыайыылааҕа, Бойлохов Н.И. 90 сааһыгар аналлаах “Баян кутуллар көмүс дорҕоонноро” аһаҕас өрөспүүбүлүкэтээҕи баянистар күрэхтэрин лауреатаВасилий Гаврильевич Федоров 55 сааһын туолбут үбүлүөйдээх сылынан «Баяным – мин ырыам иэйиитэ» кэтэхтэн ыытыллар, аһаҕас… (читать далее)
Алтынньы 29 күнэ, биир бастыҥ урукку кэми санатар бэлиэ күммүт — Комсомол күнэ сылын аайы бэлиэтэнэр. Ол курдук, быйыл Саха сиригэр Комсомол тэриллибитэ 100 сылын бэлиэтиир үөрүүлээх күҥҥэ Өнөр нэһилиэгин түөлбэлэрэ олохтоохтор комсомол эрдэҕинээҕи хаартыскаларын түмэн, эҕэрдэ нүөмэрдээн, араас ньымалары туһанан медиа стенгазета оҥорон, «Тускул» инстаграм страницатыгар таһааран эҕэрдэлээтилэр.
Саха сиригэр ийэ күнүн чэрчитинэн, уһуйаан саастаах оҕолорго кэтэхтэн ыытыллар аһаҕас өрөспүүбүлүкэтээҕи «Ийэм миэнэ кыраһыабай» ийэ туһунан ырыалары биирдиилээн толорооччуларга ырыа күрэҕэ ыытылынна. Курэххэ өрөспүүбүлүкэбит араас улуустарыттан, ол эбэтэр: Уус-Алдан, Үөһээ-Дьааҥы, Ньурба, Муома, Кэбээйи, Мэҥэ-Хаҥалас улуустарыттан 2 бөлөххө арахсан, барыта 47 кырачаан уһуйаан иитиллээччилэрэ кыттыыны ыллылар. Дьүүллүүр сүбэ быһаарыытынан, бастакы бөлөххө Акакиева Аделя, иккис бөлөххө… (читать далее)
Саха сирин ийэлэрин күнүнэн нэһилиэк бары күн-күбэй ийэлэрин эҕэрдэлээн туран, алтынньы 18 күнүгэр Өнөрдөөҕү «Тускул» сынньалаҥ киинин ютуб-страницатыгар «Герой Ийэлэр» диэн 2001 сылга буолбут Өнөр нэһилиэгин дьоруой ийэлэрин чиэстиир үөрүүлээх киэһэ архыып видеота көһүннэ.
