“ЭҺЭЛЭЭХ ДАЛБАР ХОТУНА — 2025”
Өрөгөйдөөх Улуу кыайыы 80, Уус-Алдан улууһугар «Тыа хаһаайыстыбатын» сылларын чэрчитинэн, Өнөр нэһилиэгин түөлбэлэрин икки ардыларыгар ыытыллар
“ЭҺЭЛЭЭХ ДАЛБАР ХОТУНА — 2025”
күрэх балаһыанньата
Буолар бириэмэтэ, миэстэтэ:
Бэс ыйын күнэ,
Ыһыахтыыр түһүлгэ.
Күрэх сыала:
1) -Тыа сирин дьахталларын олохторугар-дьаһахтарыгар, уопсастыба болҕомтотун тардыы.
2) -Уопсастыбаҕа чэгиэн, олоххо баҕалаах, үөрэххэ уонна үлэҕэ көхтөөх оҕолору иитэр истиҥ ийэ, сатабыллаах хаһаайка үтүө холобурун олохтооһун.
3) -Тыа сирин ийэлэрин ситиһиигэ көҕүлээһин.
4) -Ийэлэргэ уонна дьиэ кэргэҥҥэ ытыктабылы олохтооһун.
5) -Түөлбэ олохтоохторун биир санааҕа түмүү, активностарын үрдэтии.
Күрэх ирдэбилэ:
-Түөлбэттэн 1-дии ДАЛБАР ХОТУН кыттар
-Түөлбэ олохтоохторо кыттааччыларын өйөөн 1,3 түһүмэххэ кытталлара көҥүллэнэр.
-Сайаапкалары, бэс ыйын 12 күнүгэр диэри 89659965018 нүөмэргэ ыытаргытыгар.
Түһүмэхтэрэ:
1-“Бэйэни билиһиннэрии” (Кыттааччы араас ньыманы туһанан кэпсиир, көрдөрөр).
2-“Кылгас эстафета” (Быа өрүүтэ, быа баайыыта, биэдэрэлээх уулаах биэтэккэ кэлии).
3-“Талба талаан” (Көрүҥэ көҥүл)
4-“Сахалыы былааччыйа муодата” (Сүрүн сыанабыла: далбар хотун халадаай ырбаахытын кэтэн, туттан –хаптан көрдөрүүтэ, сиэдэрэй көстүүтүн көрөөччүгэ тиэрдиитэ).
Түмүккэ:
-Күрэҕи дьүүллүүр сүбэ састааба быһаарар (Дьүүллүүр сүбэ састаабыгар, түөлбэттэн 1-дии киһи)
-Дьүүллүүр сүбэ быһаарыыта бүтэһиктээх.
-Күрэх түмүгүнэн хас биирдии кыттааччыларга уонна кыайыылаахха анал ааттар иҥэриллиэхтэрэ, спонсордар туруорбут сыаналаах бириистэринэн уонна грамоталарынан наҕараадаланыахтара.
Тэрийэр бөлөх: Өнөрдөөҕү “Тускул” СК
“САХАЛЫЫ ТАҤНАР – САХА ЫАЛА”
Өрөгөйдөөх Улуу кыайыы 80, Уус-Алдан улууһугар «Тыа хаһаайыстыбатын» сылларын чэрчитинэн Өнөр нэһилиэгэр ыытыллар үрүҥ тунах ыһыахха
“САХАЛЫЫ ТАҤНАР –САХА ЫАЛА”
күрэх балаһыанньата:
Ыытыллар сирэ: Ыһыахтыыр түһүлгэ “Парка”
Буолар кэмэ: Бэс ыйын 14 күнэ, 2025 сыл
Күрэх сыала-соруга:
Саха омуга таҥнар таҥаһын ураты көстүүтүн, быһыытын-таһаатын, ойуутун-дьэрэкээнин сайыннаран, харыстаан үйэлэри уҥуордаабытын тириэрдии.
Сахалыы таҥаһы кэтиини киэҥ эйгэҕэ тарҕатыы
Сахалыы таҥаһы пропагаандалааһын
Күрэх ирдэбилэ:
күрэххэ дьиэ кэргэн кыттыыны ылар
күрэхтэһээччилэр дьиэ кэргэни билиһиннэрэр, таҥастарын ким тикпитин кэпсиир аннотацияларын суруйан биэрэллэр (эбэтэр, бэйэлэрэ кэпсииллэр).
Сахалыы таҥаһы муодалаан хааман көрдөрөллөрө ирдэнэр.
Кыттыыны ылаллар, Өнөр нэһилиэгин олохтооохторо уонна биир дойдулаахтарбыт
Сыаналанар:
сахалыы таҥас быһыыта, дьүһүннэрин дьүөрэлэһиитэ
тупсаҕай көстүүтэ
сиэдэрэй симэҕинэн, кэрэ мааны киэргэлинэн таҥаһы ситэрэн биэрии.
Наҕараадалааһын:
-Күрэхтэһии түмүгүнэн кыайыылаахтарга сыаналаах бириистэр, туоһу суруктар туттарыллыахтара.
Сайаапканы ыһыах буолар күнүгэр диэри биэрэҕит.
Дьүүллүүр сүбэ быһаарыыта бүтэһиктээх.
Тэрийэр бөлөх: Өнөрдөөҕү “Тускул” СК.
“Удьуорбутун утумнаан, үгэспитин үйэтитэн”
оҕолорго уонна улахан дьоҥҥо фольклор күрэҕэ
Өрөгөйдөөх Улуу кыайыы 80, Уус-Алдан улууһугар «Тыа хаһаайыстыбатын» сылларын чэрчитинэн, Өнөр нэһилиэгэр ыытыллар үрүҥ тунах ыһыахха, оҕолорго уонна улахан дьоҥҥо
“Удьуорбутун утумнаан, үгэспитин үйэтитэн”
фольклор күрэҕин балаһыанньата:
Буолар сирэ: Ыһыахтыыр түһүлгэ
Буолар күнэ: Бэс ыйын 14 күнэ, 2025 сыл
Күрэс сыала – соруга:
-Норуот тылынан уус-уран айымньылары үйэтитии, харыстааһын уонна тарҕатыы.
Ирдэбилэ:
-Маннык көрүҥнэргэ күрэх буолар:
~хомус, тойук, норуот ырыата, олоҥхо, чабырҕах, дэгэрэҥ ырыа.
-күрэхтэһиигэ биирдиилээн толорооччулар 2 бөлөҕүнэн кытталлар.
Сыаналанар:
-кыттааччы сценическай культурата.
-тылын-өһүн чуолкайа.
-нүөмэрин жанрыгар олоҕуран чаҕылхайдык толоруута.
-Толоруу хаачыстыбата сыаналанар.
-дьүүллүүр сүбэ быһаарыыта бүтэһиктээх.
Күрэххэ Өнөр нэһилиэгиттэн төрүттээх уонна олохтоох оҕолор, улахан дьон кыттыыны ылаллар.
Түмүккэ:
-Күрэх түмүгүн дьүүллүүр сүбэ быһаарар.
-Күрэх түмүгүнэн, кыайыылаахтар бириистэринэн уонна грамоталарынан наҕараадаланыахтара.
Сайаапканы ыһыах буолар күнүгэр диэри биэрэҕит.
Тэрийэр бөлөх: Өнөрдөөҕү “Тускул” СК.
