1941-1945 сс. Аҕа дойду Улуу сэриитигэр Кыайыы 80 сылыгар анаммыт үбүлүөйдээх парад Өнөр нэһилиэгэр ыам ыйын 8 күнүгэр буолан ааста. Россия Геройа Михаил Михайлович Стрекаловскай аатынан Өнөр орто оскуолатын тиэргэниттэн нэһилиэк Кыайыы болуоссатыгар диэри параадтаан тиийдибит. Улуу Кыайыы Знамятын киллэрдилэр, Россия Геройа Михаил Михайлович Стрекаловскай аатынан Өнөр орто оскуолатын үөрэнээччилэрэ, «ШМАС» военно-патриотическай кулууп иитиллээччилэрэ. Кыргыһыы хонуутуттан эргиллибэтэх буойуттарга анаан Өнөр нэһилиэгин кырдьаҕастарын сэбиэтин аатыттан Лукачевскай Николай Егорович, Өнөр орто оскуолатын директор Сыроватскай Николай Петрович, Россия Геройа М.М.Стрекаловскай аатын сүгэр Өнөр орто оскуолатын выпускнига Федоров Петя сүгүрүйүү бэлиэтин – веногу уурдулар. Салгыы Өнөр нэилиэгин аҕа баһылыга Николай Николаевич Лукачевскай Улуу Кыайыы өрөгөйдөөх 80 cылынан нэһилиэк олохтоохторугар эҕэрдэтин эттэ, нэһилиэк бэтэрээннэригэр Максимов Петр Андреевичка, Максимова Любовь Николаевнаҕа, Лыткина Агафья Павловнаҕа, Ушницкай Николай Михайловичка, Ушницкая Анисия Ивановнаҕа Улуу Кыайыы 80 сыллаах үбүлүөйдээх знактарын уонна бэлэхтэрин туттарда. Ытык кырдьаҕаспытыгар, Ушницкай Николай Михайловичка «Дүпсүн» совхоз тэриллибитэ 50 сыллаах үбүлүөйдээх мэтээлэ уонна «Өнөр нэһилиэгин бочуоттаах олохтооҕо» знак туттарда. Нэһилиэк олохтоохторун уонна ыалдьыттарын саллаат хааһытынан күндүлээтилэр.
Салҕыы «Уруйдуубут Улуу Кыайыыны» нэһилиэк талба талааннаахтарын үбүлүөйдээх эҕэрдэ кэнсиэрэ кыайыы болуоссатыгар буолла.
Ити курдук 1941-1945 сс. Аҕа дойдун Улуу сэриитигэр Кыайыы 80 сылыгар аналлаах парад биһиги нэһилиэкпитигэр үөрүүлээхтик тэриллэн түмүктэннэ.
